పాన్ ఇండియా స్టార్ ప్రభాస్ నటిస్తున్న చిత్రాల్లో దర్శకుడు హను రాఘవపూడి డైరెక్ట్ చేస్తున్న పీరియాడిక్ రొమాంటిక్ యాక్షన్ ఎంటర్టైనర్ కూడా ఒకటి. ఈ సినిమా షూటింగ్ ఇప్పటికే శరవేగంగా జరుపుకుంటోంది. ఈ సినిమాలో ప్రభాస్ వైవిధ్యమైన లుక్తో కనిపిస్తాడని చిత్ర యూనిట్ చెబుతూ వస్తోంది. ఇక దీపావళి పండుగ సందర్భంగా ఈ చిత్రానికి సంబంధించి ఓ అదిరిపోయే బ్లాస్టింగ్ అప్డేట్ ఇచ్చారు మేకర్స్.
ఈ సినిమాకు సంబంధించిన నేపథ్యాన్ని రివీల్ చేశారు. ‘యుద్ధంలో అతడే ఒక బెటాలియన్’ అనే స్టేట్మెంట్తో ఓ ప్రీ-లుక్ పోస్టర్ను రిలీజ్ చేశారు. తుపాకుల మోతతో యుద్ధానికి ఈ ఒక్కడే చాలు అనే రీతిలో ఈ ప్రీ-లుక్ పోస్టర్ను డిజైన్ చేశారు. ఇక ‘ఆపరేషన్ Z’లో ఈ యోధుడు ఎలాంటి యుద్ధాన్ని చేయబోతున్నాడనేది మనకు ఈ సినిమా ద్వారా చూపెట్టబోతున్నారు.
ఈ సినిమాకు సంబంధించిన మరిన్ని విషయాలను అక్టోబర్ 22 నుండి రివీల్ చేయబోతున్నట్లు మేకర్స్ తాజాగా వెల్లడించారు. దీంతో ప్రభాస్ ఫ్యాన్స్ ఈ దీపావళి ట్రీట్ను ఫుల్గా ఎంజాయ్ చేస్తున్నారు. అంతేగాక, అక్టోబర్ 22 కోసం వారు అప్పుడే ఆసక్తిగా ఎదురుచూస్తున్నారు. ఈ సినిమాలో ఇమాన్వి హీరోయిన్గా నటిస్తుండటంతో ఈ జోడీ ఎలాంటి ప్రేమకథతో రాబోతున్నారా అనే ఆసక్తి అభిమానుల్లో నెలకొంది. ఈ సినిమాకు విశాల్ భరద్వాజ్ సంగీతం అందిస్తుండగా మైత్రీ మూవీ మేకర్స్ భారీ బడ్జెట్తో ప్రొడ్యూస్ చేస్తున్నారు.
The publish యుద్ధానికి సిద్ధం.. అతడే ఒక బెటాలియన్..! first gave the impression on Newest Telugu Film Information, Opinions, OTT, OTT Opinions, Rankings.