తరుణ త్రినాధ్ కటారి హీరోగా నటిస్తూ, స్వీయ దర్శకత్వం వహించిన ‘ఇట్లు మీ ఎదవ’ చిత్రం ట్రైలర్ను ఇటీవల విడుదల చేశారు. సంజీవని ప్రొడక్షన్స్ బ్యానర్పై బళ్లారి శంకర్ ఈ యూత్ఫుల్ ఎంటర్టైనర్ను నిర్మించారు, ఇందులో సాహితీ అవంచ హీరోయిన్గా నటించింది. ట్రైలర్ లాంచ్ కార్యక్రమంలో పాల్గొన్న చిత్రబృందం, ఈ సినిమాపై పూర్తి విశ్వాసం వ్యక్తం చేసింది.
ఈ సందర్భంగా హీరో-దర్శకుడు త్రినాధ్ కటారి మాట్లాడుతూ, ‘ఇట్లు మీ ఎదవ’ అనేది ఒక తండ్రి-కొడుకులు, తండ్రి-కూతుళ్లు, ఒక ప్రేమ జంట మధ్య ఉండే కథ అని తెలిపారు. ఈ కథ అందరినీ కనెక్ట్ చేసే యూత్ఫుల్ ఫ్యామిలీ ఎంటర్టైనర్ అని, దీనికి కథే హీరో అని ఆయన స్పష్టం చేశారు. నూతన దర్శకుడిని అయినప్పటికీ భరణి, గోపరాజు రమణ, దేవి ప్రసాద్ వంటి అనుభవజ్ఞులైన నటీనటులు ఎంతో సహకరించారని, డీవోపీ జగదీష్ అద్భుతంగా చిత్రీకరించారని త్రినాధ్ కృతజ్ఞతలు తెలిపారు.
సంగీత దర్శకుడు ఆర్.పి. పట్నాయక్ మాట్లాడుతూ, ఈ కథ వినగానే హిట్ వైబ్ వచ్చిందని, టైటిల్ కూడా తానే సూచించినట్లు చెప్పారు. ఈ చిత్రం యూత్కు బాగా నచ్చుతుందని, క్లైమాక్స్లో ఊహించని అద్భుతమైన కంటెంట్ ఉందని పేర్కొన్నారు. ఇది యువత తమ తల్లిదండ్రులను కూడా తీసుకువెళ్లి చూసే సినిమా అవుతుందన్నారు. మొదటిసారి సినిమా నిర్మిస్తున్న బళ్లారి శంకర్ గారికి విజయం దక్కాలని హీరోయిన్ సాహితీ, దర్శకుడు తేజ మర్ని, ఇతర నటీనటులు ఆకాంక్షించారు. ఈ సినిమా 100% ప్రేక్షకులను అలరిస్తుందని చిత్ర బృందం నమ్మకం వ్యక్తం చేసింది. దీని ట్యాగ్లైన్ “వెయ్యేళ్ళు ధర్మంగా వర్ధిల్లు”.
The put up ‘ఇట్లు మీ ఎదవ’ ట్రైలర్ విడుదల: 100% ఎంటర్టైన్మెంట్ గ్యారెంటీ – దర్శకుడు త్రినాధ్ కటారి first seemed on Newest Telugu Film Information, Critiques, OTT, OTT Critiques, Scores.